Вöзьяна небöгас видлалöма коми кывсикасъяс пöвстысь зэв аслыспöлöс кывъяс - нимвежтасъяс. Найö торъялöны мукöд кывъясысь медводз асланыс вежöртаснас, кодi оз нимты торъя предметъяс, ксрöмъяс, олöмын мукöд петкöдчöмъяс. Тайö сетö позянлун формаяслы бергавны öтсяма функцияын, петкöдчыны вариантъяс туйын. Уджас видлалöма, кор да кутшöм помкаяс вöсна артмöны коми нимвежласлöн вариативной формаяс. Тöдчöдöма, мый талы подувнас лоö коми кывлöн пытшкöсса тэчасыс, сылöн агглютинативнöй типыс да аслыспöлöс ногöн сöвмöмыс. Небöгсö вöзйöма фин-угор кывъяс туялысьяслы, ыджыд школаын коми кыв велöдысьяслы, кодъяс вермасны пыдöджык пырöдчыны коми морфология туялöмö, вöдитчыны тайö небöгнас тырвыйö научнöй курсöвöй да дипломнöй уджьяс дасьтiгöн.